حبيت اسمك
روحك
كلامك
عنيك
حبيت المكان اللى شوفتك فيه
وحسيت اوى لمست ايديك
خوفك عليه شوفته بعنيه
وقلبك الحنون لمسته بأيديه
وعدتنى انك هتبقا ليه
وانك مش هتغيب عليه
ووعدتك هكون معاك
وهفضل فى حضن هواك
عشقت كل حاجة فيك
عشقت حتى كلامى ليك
عشقت صوتك الدافى
عشقت احساسك العالى
عشقتك وحبيت كل ما فيك
ودلوقتى جى تقول نبعد شويه ؟
مش بمزاجك انى ابعد عنك
علشان حبي بيجري فى دمك
ليه عايزنا نبعد عن بعض
ليه عايز النهاية تكون البعد
البعد ده مش لينا
ده كان لناس قبلينا
فمهما تبعد انا هستناك
ومهما تغيب انا روحى معاك
ده قلبى بيسالنى عليك
بيقول ليه النهاية تكون البعد
وازاى تقدرو تنسو الوعد
الاقى دموعى سبقت كلامى
والصمت هو بيكون جوابي
وبحاول اطمن عليك من بعيد
واقول لقلبي جرب تعيش وحيد
الاقى صورتك بقت فى خيالى
وافتكر كلامك اسرح من تانى
واجري بسرعة ابعتلك سلامى
وانتظر منك رد لكلامى
واقول لنفسي
هيرجع ويفتكر الوعد؟؟؟